Sipas njoftimit të Komunës së Prishtinës, këtë vit do të ketë kapacitet të kufizuar të pjesëmarrësve.
“Për shkak të kufizimeve të hapësirës në parkun e Gërmisë, Sunny Hill Festival këtë vit do të ketë kapacitet të kufizuar të pjesëmarrësve, përkundër potencialit dhe nevojave në rritje që i ka festivali. Sunny Hill Festival zotohet se e gjithë hapësira e parkut që do të merret në shfrytëzim do të përdoret me kujdes të shtuar, dhe se pastrimi dhe rigjenerimi i parkut do të bëhet në afat rekord, edhe me investimet e nevojshme nga ana e Sunny Hill Festival”, thuhet në njoftim.
Po ashtu në njoftim është bërë e ditur se MKR-ja dhe ministrit tjera përkatëse bashkë me Komunën e Prishtinës janë zotuar të ofrojnë mbështetje të plotë për realizimin e Sunny Hill Festival në Prishtinë më 4, 5, 6 dhe 7 gusht 2022. /teve1.info/
