Kryeprokurori i Shtetit, Zejnulla Gashi, ka pritur në takim të Ngarkuarën me Punë të Ambasadës së Shteteve të Bashkuara të Amerikës në Kosovë, Anu Prattipati.
Gjatë takimit, Gashi e ka informuar Prattipatin për prioritetet e mandatit të tij, me fokus në konsolidimin e mëtejshëm të institucionit, luftimin e korrupsionit të nivelit të lartë, krimit të organizuar dhe formave të tjera të kriminalitetit.
Ai ka theksuar gjithashtu rëndësinë e forcimit të pavarësisë dhe integritetit institucional, si dhe avancimit të reformave për rritjen e efikasitetit, përmirësimin e performancës dhe forcimin e llogaridhënies në sistemin prokurorial.
Gashi ka vlerësuar të rëndësishëm vazhdimin e bashkëpunimit me Ambasadën e SHBA-së, veçanërisht në drejtim të forcimit të sundimit të ligjit në Kosovë./teve1.info/
