Sulmuesi i Kombëtares së Kosovës, Fisnik Asllani mund të zhvendoset në këtë afat kalimtar nga kategoria e dytë gjermane në Bundesligë.
Gjasat janë të mëdha që Asllani të transferohet te Union Berlini, skuadër kjo që po e preferon sulmuesin 22-vjeçar.
Asllani, aktualisht është huazuar tek Elversbergu nga Hoffenheimi, ekip me të cilin ka kontratë deri në verën e vitit të ardhshëm.
Në Bundesligën 2, Asllani po shkëlqen pasi ka shënuar 10 gola dhe ka bërë 5 asistime në 18 paraqitje, ndërsa tek Union Berlini po shihet si përforcim i duhur për sulmin.
Në fakt, Asllani do të rikthehej tek Union Berlini, ku qëndroi nga vitin 2016 deri në vitin 2020.
Në shtator të vitit të shkuar, Asllani debutoi me Kosovën dhe deri më tani ka 5 paraqitje, ndërsa krahas Union Berlinit, ai ka tërhequr vëmendjen edhe te disa skuadrave tjera të Bundesligës gjermane.
