Japan ka nisur nxjerrjen në shitje të rezervave shtetërore të naftës, ndërsa vendi përgatitet për mungesa të mundshme të shkaktuara nga lufta SHBA-Izrael kundër Iranit .
Sipas autoriteteve, lirimi i rezervave do të zgjasë për 30 ditë dhe synon të stabilizojë tregun vendas të energjisë në një periudhë pasigurie globale.
Procesi ka filluar në bazën kombëtare të rezervave të naftës në Kikuma, e vendosur në qytetin perëndimor të Imabari, raporton AP.
Nafta e liruar po transferohet drejt një rafinerie komerciale aty pranë përmes një rrjeti tubacionesh, bëri të ditur Organizata Japoneze për Metalet dhe Sigurinë e Energjisë në një deklaratë zyrtare.
Ky vendim vjen vetëm 10 ditë pasi Japonia kishte nisur një fazë të mëparshme të lirimit të naftës nga rezervat e sektorit privat, e cila zgjati 15 ditë.
Japonia, një vend i varfër në burime dhe me një ekonomi të madhe, importon më shumë se 90% të naftës së saj të papërpunuar nga Lindja e Mesme, duke e bërë atë veçanërisht të ndjeshme ndaj mbylljes së rrugës ujore.
