Dy persona të dyshuar, njëri prej të cilëve i mitur janë arrestuar të mërkurën pasi dyshohet se e kanë sulmuar fizikisht me mjete te forta një të mitur tjetër, duke i shkaktuar lëndime në kokë.
Në raportin 24-orësh të Policisë thuhet se rasti ka ndodhur mbrëmjen e së mërkurës në fshatin Glloboqicë të Kaçanikut.
Bëhet e ditur se viktima është dërguar në QKMF në Kaçanik për trajtim mjekësor, ndërsa me vendim të prokurorit pas intervistimit dy të dyshuarit janë dërguar në mbajtje.
“Janë arrestuar dy të dyshuar meshkuj kosovarë, njëri i moshës se mitur, pasi që të njëjtit kanë sulmuar fizikisht me mjete të forta viktimën e moshës se mitur, të cilit i kanë shkaktuar lëndime në kokë. Viktima është dërguar ne QKMF Kaçanik për tretman mjekësor. Me vendim të prokurorit pas intervistimit dy të dyshuarit dërgohen në mbajtje”, thuhet në raportin e PK-së./teve1.info/
