Një grua në Vushtrri dyshohet se sulmoi nënën e saj dhe më pastaj edhe një zyrtare policore.
Sipas Policisë, viktima dhe e dyshuara kanë pranuar trajtim mjekësor. Po ashtu trajtim mjekësor ka pranuar edhe zyrtarja policore.
Policia këtë rast e ka cilësuar dhunë në familje dhe sulm ndaj personit zyrtar.
“Vushtrri 16.09.2025 – 20:50. Është arrestuar e dyshuara femër kosovare, për shkak se pas një mosmarrëveshje ka sulmuar nënën e saj. Po ashtu gjatë arrestimit e dyshuara e ka lënduar një zyrtare policore. Viktima dhe e dyshuara kanë pranuar trajtim mjekësor. Po ashtu trajtim mjekësor ka pranuar edhe zyrtarja policore”, thuhet në raportin 24 orësh të Policisë së Kosovës.
Sipas njoftimit, pas inicimit të rastit viktimës i është lëshuar urdhër mbrojtës, ndërsa e dyshuara me vendim të prokurorit është liruar në procedurë të rregullt.
