Një person është arrestuar nga Policia e Kosovës, pasi dyshohet se ka sulmuar fizikisht vajzën e tij, duke i shkaktuar lëndime të rënda trupore.
Sipas njoftimit zyrtar, sulmi ka ndodhur të premten, rreth orës 19:00, në Vushtrri, pas një mosmarrëveshjeje mes të dyve.
Viktima thuhet se ka pranuar trajtim mjekësor, ndërsa i dyshuari, pas intervistimit, me vendim të prokurorit, është dërguar në mbajtje.
“Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht vajzën e tij, viktimën femër kosovare. Viktima ka pranuar tretman mjekësor, ndërsa i dyshuari pas intervistimit me vendim të prokurorit dërgohet në mbajtje”, thuhet në raportin e Policisë./teve1.info/
