Një grua dyshohet se është ngacmuar seksualisht nga një burrë në Obiliq, ka bërë të ditur Policia e Kosovës.
Sipas raportit 24-orësh të Policisë, rasti ka ndodhur pardje, ndërsa është iniciuar procedurë ligjore ndaj të dyshuarit.
“Është raportuar se viktima femër kosovare është ngacmuar seksualisht nga një i dyshuar mashkull kosovar. Me vendim të prokurorit i dyshuari është liruar, rasti vazhdon të trajtohet në procedurë të rregullt”, thuhet në raportin 24-orësh të Policisë së Kosovës.
Autoritetet kanë bërë të ditur se hetimet lidhur me rastin janë në vazhdim.
