Disa zyrtarë policorë janë sulmuar mbrëmë në fshatin Ivajë të Kaçanikut.
Njësia policore ishte duke sekuestruar një veturë, me të cilën po kryhej transport ilegal i drurëve, kur disa persona i kanë gjuajtur me gurë dhe janë larguar.
Policia thotë se rasti është duke u hetuar.
“Raportohet se derisa njësia policore ishte duke sekuestruar një veturë me të cilën po kryhej transport ilegal i druve, para makinës tërheqëse kanë dalë dy të dyshuarit meshkuj kosovarë dhe disa anëtarë të familjes së tyre duke penguar sekuestrimin e veturës dhe më pas duke gjuajtur me gurë. Të dyshuarit më pas janë larguar në drejtim të panjohur. Nuk raportohet për të lënduar. Rasti në hetime”, thuhet në raportin e Policisë së Kosovës./teve1.info/
