Një rast i sulmit ndaj mjekut ka ndodhur dje në Qendrën e Mjekësisë Familjare “Rexhep Kuçi” në Suharekë.
Kështu ka bërë të ditur, drejtoresha e Shëndetësisë në këtë komunë, Besa Kuqi, përcjell teve1.info
Me këtë rast, ajo ka dënuar sulmin dhe në të njëjtën kohë ka kërkuar që i dyshuari që kreu aktin të sillet para drejtësisë.
“Sapo u Informova nga kordinatori i QKMF-së se dje është sulmuar njëri nga mjeket në Qendrën e Mjekësisë Famijare “Rexhep Kuçi” në Suharekē. E dënoj ashpër sulmin ndaj stafit mjekësor, duke kërkuar njëkohësisht edhe sjelljen para drejtesise të atij që e ka kryer këtë veper te ultë. Dhuna ndaj mjekeve nuk duhet toleruar, per këtë arsye është e nevojshme qe mjekët dhe punonjësit shëndetësor te kenë status te veqantë, i cili do ti sankisononte juridikisht kto incidente, me qëllim qe raste te tilla te mos trajtohen ne te ardhmen si sulme te thjeshta!”, ka shkruar ajo në Facebook. /Teve1.info/
