Një person është therur me thikë pas një mosmarrëveshjeje në trafik në fshatin Shipashnicë e Epërme të Kamenicës.
Sipas raportit 24-orësh të Policisë së Kosovës, i dyshuari mashkull ka sulmuar viktimën me thikë, duke i shkaktuar lëndime trupore. Viktima ka pranuar trajtim mjekësor dhe, sipas mjekëve, është jashtë rrezikut për jetë.
Policia ka konfiskuar thikën e përdorur në rast, ndërsa i dyshuari është arrestuar. Me vendim të prokurorit, ai është dërguar në mbajtje, ndërsa rasti po hetohet nga organet e drejtësisë.
