Një person dyshohet se është sulmuar fizikisht të shtunën, rreth orës 02:30 pas mesnate, pranë Liqenit të fshatit Përlepnicë.
Zëdhënësi i Policisë së Kosovës për Rajonin e Gjilanit, Ismet Hashani, për tëvë1.info ka thënë se personat e dyshuar për sulm deri më tani janë të panjohur.
Sipas Hashanit, i lënduari fillimisht ka pranuar trajtim mjekësor në Qendrën Emergjente në Gjilan, ndërsa më pas është dërguar në Qendrën Klinike Universitare të Kosovës për trajtim të mëtejshëm.
“Më datën 09.08.2025 rreth orës 02:30 pas mesnate kemi pranuar informacion se tek Liqeni i fshatit Përlepnicë një person mashkull kosovar dyshohet se është sulmuar fizikisht nga dy persona deri më tani të panjohur. I lënduari fillimisht ka pranuar tretman mjekësor në Qendrën Emergjente në Gjilan e më pas është dërguar në QKUK për trajtim të mëtejmë”, ka thënë Hashani.
Hashani ka shtuar se po punohet në ndriçimin dhe sqarimin e rrethanave të këtij rasti në koordinim me Prokurorin e Shtetit.
