Një anije cisternë që transportonte vaj luledielli nga Rusia në Gjeorgji u sulmua në Detin e Zi, tha të martën autoriteti detar turk, disa ditë pasi dy anije cisternë nafte të “flotës në hije” ruse u sulmuan nga dronë detarë ukrainasë.
Drejtoria e Përgjithshme Turke e Çështjeve Detare tha se MIDVOLGA-2 u sulmua rreth 130 kilometra (80 milje) larg bregdetit turk. 13 anëtarët e ekuipazhit mbetën të padëmtuar dhe anija nuk ka kërkuar ndihmë.
Anija po shkonte drejt portit turk të Sinopit, tha autoriteti detar në një deklaratë për X.
Të hënën, presidenti turk, Recep Tayyip Erdogan, foli kundër sulmit me dron të Ukrainës ndaj dy anijeve ruse, Kairos dhe Virat, duke thënë se ky sinjalizonte një “përshkallëzim shqetësues” të konfliktit.
“Nuk mund t’i tolerojmë këto sulme, të cilat kërcënojnë sigurinë e lundrimit, jetën dhe mjedisin, veçanërisht në zonën tonë ekskluzive”, tha Erdogan në një fjalim televiziv, citon AP.
“Po japim paralajmërimet e nevojshme për të gjitha palët në lidhje me situata të tilla.”
