Gazetari dhe analisti Valon Syla është sulmuar sonte nga tre persona. Për pasojë, Syla ka pësuar lëndime të lehta në kokë.
Syla, i cili ishte pjesë e një emisioni debatues në lidhje me gjykimin e ish-krerëve të UÇK-së në Hagë, është sulmuar pak minuta pasi që ka dalë nga studioja.
Siç kupton Gazeta Express, tre persona e kanë përcjell Sylën deri te Bregu i Diellit.
Sulmi ndaj tij ka ndodhur para lokalit të quajtur “Image”.
Aktualisht ai raportohet se është duke u trajtuar në QKUK.
Teve1.info ka kontaktuar edhe me policinë dhe është në pritje të një informacioni zyrtar.
