Dy persona në Pejë kanë deklaruar se nga një motoçikletë në lëvizje, nga disa të panjohur është shtënë me armë zjarri në drejtim të tyre.
Policia e Kosovës në vendin e ngjarjes ka konfiskuar 5 gëzhoja, ku njëri nga viktimat ka pësuar lëndim të lehtë.
Ndërkaq, pas konsultimit me prokurorin rasti do të trajtohet nga njësitë kompetente policore.
“Pejë 04.04.2024-03:35. Pas pranimit të informatës për disa të shtëna me armë zjarri njësiti policor në afërsi të vendit të ngjarjes ka takuar një veturë në të cilën ishin dy viktimat meshkuj kosovarë të cilët kanë deklaruar se në drejtim të tyre nga një motoqikletë në lëvizje, nga dy persona të panjohur ështe shtënë disa herë me armë zjarri. Policia në vendin e ngjarjes ka gjetur dhe konfiskuar 5 gëzhoja dhe në veturë të viktimave ka vërejtur 4 vrima që dyshohet se janë si pasojë e predhës së fishekut. Njëri nga viktimat ka pësuar lëndim të lehtë. Lidhur me rastin pas konsultimit të prokurorit rasti inicohet dhe i njëjti trajtohet nga njësitë kompetente policore”, thuhet në raportin e plotë të Policisë./teve1.info/.
