Sulmi masiv ajror rus në Ukrainë gjatë natës së të martës ka lënë të vdekur tre persona, thanë zyrtarët.
Rusia qëlloi më shumë se 650 dron dhe tre raketa të cilat qëlluan shtëpi dhe rrjetin elektrik në 13 rajone, duke shkaktuar ndërprerje në temperatura të ulëta, tha presidenti ukrainas Volodymyr Zelensky, një ditë pasi njoftoi progres në bisedimet e paqes.
Ai deklaroi se “sulmi është një sinjal i qartë i prioriteteve të Putinit”.
Autoritetet në rajonet perëndimore të Rivne, Ternopil dhe Lviv, si dhe në rajonin verior të Sumy, raportuan dëme në infrastrukturën energjetike ose ndërprerje të energjisë elektrike pas sulmit.
Në rajonin jugor të Odesës, Rusia goditi infrastrukturën energjetike, portuale, të transportit, industriale dhe banesore, sipas kreut rajonal Oleh Kiper, transmeton Associated Press.
Një anije tregtare dhe mbi 120 shtëpi u dëmtuan, tha ai.
