Një qytetar në Ferizaj i njohur si “Cufa” me aftësi të kufizuara është sulmuar fizikisht nga një i mitur.
Rasti është raportuar në rrjetet sociale më 12 maj 2025, sipas Policisë së Kosovës sulmi dyshohet të ketë ndodhur tre ditë më parë.
Zëdhënësi i Policisë së Kosovës për rajonin e Ferizajt, Kanun Veseli ka thënë se sulmi dyshohet të jetë bërë nga një person i moshës 13-vjeç.
Veseli në emisionin “Mesditë” në Tëvë1, ka thënë se për 13-vjeçarin me udhëzim të prokurorit rasti është përcjellë në Qendrën për Punë Sociale.
“Pas pranimit të informacionit njësitet hetimore janë angazhuar intensivisht dhe kanë arritur të identifikojnë një person të dyshuar që ka rezultuar të jetë një 13 vjeçar. Ngjarja dyshohet të ketë ndodhur tre ditë më parë në sheshin e qytetit. Me autorizimin e prokurorit për të mitur, prokurori ka udhëzuar që komplet lënda me gjitha shkresat t’i përcillet Qendrës për Punë Sociale dhe njëkohësisht të iniciohet një shënim zyrtarë që më pas ju ka dërguar prokurorit të rastit”.
