Së paku pesë persona u vranë nga sulmet ruse me dron, raketa dhe bomba në Ukrainë gjatë natës të së dielës, raporton AP.
Presidenti ukrainas, Volodymyr Zelensky ttë dielën në mëngjes tha se Moska ka dërguar më shumë se 50 raketa balistike dhe rreth 500 dronë nëntë regjione.
4 njerëz u vranë në një sulm të kombinuar me dron dhe raketë në Lviv, sipas zyrtarëve regjionalë dhe shërbimeve të emergjencës së Ukrainës, gjashtë persona të tjerë u plagosën, sipas deklaratës së forcave policore të Ukrainës.
Zelenskyy të dielën përsëriti thirrjen e tij ndaj partnerëve perëndimorë të Kievit për të dërguar mbrojtje ajrore shtesë për të luftuar “terrorin ajror” të Rusisë.
Ukraina ka kryer prej muajsh sulme të veta me rreze të gjatë veprimi ndaj Rusisë, shumë prej të cilave kanë synuar infrastrukturën e naftës së Moskës dhe kanë kontribuar në mungesa të vazhdueshme të karburantit .
Nga ana e tij, Kremlini ka shtuar sulmet ndaj rrjetit elektrik të Ukrainës përpara dimrit, njësoj si në vitet e kaluara që nga pushtimi në shkallë të plotë më 24 shkurt 2022.
Moska ka shtuar gjithashtu sulmet ajrore në rrjetin hekurudhor të Ukrainës, i cili është thelbësor për transportin ushtarak, duke e goditur atë pothuajse çdo ditë gjatë dy muajve të fundit.
