Ushtria izraelite kreu sulme ajrore të hënën në Gaza, ku la të vrarë 22 persona në ditën e dytë të festës së Fitër Bajramit. Në mesin e të vrarëve raportohet të ketë edhe fëmijë.
Sipas një korrespondenti të Anadolu, dy palestinezë u vranë në një sulm izraelit me dron ndaj një grupi njerëzish në Jabalia, në Rripin verior të Gazës.
Të dielën, ditën e parë të festës së Fitër Bajramit, 64 palestinezë u vranë në sulmet izraelite në të gjithë Gazën.
Ushtria izraelite nisi një fushatë të befasishme ajrore në Rripin e Gazës më 18 mars, duke vrarë mbi 920 njerëz, duke plagosur më shumë se 2000 të tjerë dhe duke shkatërruar marrëveshjen e armëpushimit dhe shkëmbimit të të burgosurve.
Më shumë se 50,200 palestinezë janë vrarë, kryesisht gra dhe fëmijë, dhe mbi 114,000 janë plagosur nga lufta e Izraelit në Gaza që nga tetori 2023.
