Rusia goditi kryeqytetin e Ukrainës me një tjetër sulm të madh me raketa dhe dronë gjatë natës së të enjtes, duke vrarë të paktën dy persona dhe duke shkaktuar zjarre në të gjithë Kievin.
Ky sulm vjen një ditë pas sulmit më të rëndë me dronë deri më tani në luftën më shumë se trevjeçare , thanë zyrtarët ukrainas, citon AP.
“Ky është një përshkallëzim i qartë i terrorit rus: qindra dronë Shahed çdo natë, sulme të vazhdueshme me raketa, sulme masive ndaj qyteteve ukrainase”, tha Presidenti Volodymyr Zelenskyy në një postim në Telegram.
Dy raunde bisedimesh të drejtpërdrejta për paqe midis delegacioneve ruse dhe ukrainase nuk kanë dhënë asnjë përparim në ndalimin e luftimeve. Zëdhënësi i Kremlinit, Dmitry Peskov, tha të enjten se nuk ka një datë për një raund të tretë të mundshëm negociatash.
