Një sulmues vetëvrasës në Siri hapi zjarr dhe më pas shpërtheu një jelek shpërthyes brenda një kishe ortodokse greke të mbushur me njerëz që luteshin të dielën, duke vrarë të paktën 22 persona dhe duke plagosur 63 të tjerë, raportuan mediat shtetërore.
Sulmi ndodhi në Dweil’a në periferi të Damaskut, brenda Kishës Mar Elias, sipas medias shtetërore SANA, duke cituar Ministrinë e Shëndetësisë për numrin e të vdekurve dhe të plagosurve.
Sulmi ndaj kishës ishte i pari i këtij lloji në Siri prej vitesh dhe vjen në një kohë kur Damasku, po përpiqet të fitojë mbështetjen e pakicave.
“Siguria e vendeve të kultit është një vijë e kuqe”, ka thënë Zëdhënësi i Ministrisë së Brendshme Siriane, Noureddine Al-Baba duke shtuar se ISIS dhe anëtarët e mbetur të qeverisë së rrëzuar të Asadit po përpiqen të destabilizojnë Sirinë.
Ministri sirian i Informacionit, Hamza Mostafa, e dënoi sulmin, duke e quajtur atë një sulm terrorist, raporton AP.
Dëshmitarët thanë se personi i armatosur me fytyrë të mbuluar hyri dhe qëlloi drejt njerëzve. Kur një turmë u vërsul drejt tij për ta larguar nga kisha, ai i shpërtheu eksplozivët në hyrje.
Ministrja e Çështjeve Sociale dhe Punës e Sirisë, Hind Kabawat, ministrja e krishterë dhe femër e vendit, u takua me klerin në kishë në mbrëmje për të shprehur ngushëllimet e saj.
