Një punëtor teknik në një shkollë të mesme të ulët në Ferizaj është arrestuar nën dyshimin për sulm seksual ndaj një nxënëseje të mitur.
Lajmin e ka konfirmuar për media zëdhënësi i Policisë së Kosovës për rajonin e Ferizajt, Kanun Veseli.
Sipas policisë, hetuesit rajonalë janë njoftuar për rastin e dyshuar që ka ndodhur në ambientet e një shkolle të mesme të ulët në qytet. Viktima është një nxënëse 10-vjeçare, ndërsa i dyshuari është një punëtor teknik 64-vjeçar i punësuar në këtë institucion arsimor.
I dyshuari është intervistuar më 12 mars në prani të avokatit mbrojtës dhe me vendim të prokurorit për të mitur, është ndaluar për 48 orë.
Policia bëri të ditur se hetuesit janë autorizuar të vazhdojnë veprimet hetimore lidhur me këtë rast. /teve1.info/
