Dy persona janë vrarë pasi një person hapi zjarr në aeroportin ndërkombëtar të Kishinauit, ka thënë Ministria e Brendshme e Moldavisë.
Autori i armatosur është plagosur dhe është arrestuar, tha policia.
Zyrtarët thanë se të shtënat kishin ndodhur pasi një shtetasi të huaj iu mohua hyrja në vend, raporton BBC.
Presidentja Maia Sandu tha se dy të vdekurit ishin një roje kufitare dhe një zyrtar i sigurisë së aeroportit; një person i tretë u plagos.
Kryeministri moldav, Dorin Recean tha se i dyshuari ishte një shtetas 43-vjeçar nga Taxhikistani.
Ai kishte mbërritur nga Turqia dhe më pas iu refuzua hyrja, tha sekretari i shtypit i qeverisë Daniel Voda për TV Moldavian.
