Presidentja e Kosovës, Vjosa Osmani ka pritur në takim ambasadorin e Suedisë në Kosovë, Jonas Westerlund.
E para e shtetit ka diskutuar për zhvillimet e fundit në Kosovë si dhe për bashkëpunimin në tejkalimin e sfidave të përbashkëta në kontinentin evropian.
Osmani dhe ambasadori kanë nënshkruar një memorandum bashkëpunimi i cili do t’i sigurojë Zyrës së Presidentes mbështetjen e shtetit suedez nëpërmjet ekspertizës profesionale nga fushë veprimtaria e institucionit të Presidencës.
“Gjatë ceremonisë së nënshkrimit, Presidentja Osmani falënderoi Ambasadorin Westerlund për përkrahjen e vazhdueshme të Suedisë ndaj Kosovës, duke theksuar rëndësinë e partneritetit në forcimin e institucioneve demokratike dhe në avancimin e agjendës evropiane të vendit tonë. Ky Memorandum Bashkëpunimi shënon një tjetër hap konkret në drejtim të përforcimit të kapaciteteve institucionale dhe krijimit të politikave të bazuara në ekspertizë dhe praktikat më të mira ndërkombëtare”, thuhet në njoftimin e Presidencës./teve1.info/
