Aty humbën jetën mbi 150 persona, teksa po e festonin për Halloween.
E ftuar në këtë ngjarje, ishte edhe studentja shqiptare që studion në Seul, Antonela Hilaj.
Për Tëvë1, Hilaj ka thënë se nga shtypja, njerëzit vdiqën në këmbë.
“Në atë klub ishin të ftuar dy të famshëm dhe njerëzit duke u future në atë rrugë të ngushtë…. ndodhi që turma që kishin ndërmend të futeshin në atë rrugë, me efekt domino, rrugë e ngushtë e pjerrët, ata që ishin përpara u zunë poshtë, ata që ishin në mes iu ndal fryma, në fakt shumë veta edhe humbën jetën në këmbë se nuk po merrnin dot frymë”, u shpreh ajo.
Hilaj thotë se për shkak të turmës së madhe të njerëzve, shoqëria e saj i sugjeroi të mos shkonte aty.
“Shoqëria italiane kishte shkuar në orën 7 të darkës, tri orë para se të ndodhte tragjedia dhe me thanë të mos shkoja sepse kishte shumë turmë dhe nuk çahej ajo turmë”, shtoi ai.
Por, fat tjetër kishin ata që Antonelës i sugjeruan të mos shkonte.
Dy nga shoqet e saja italiane, ishin në mesin e të vdekurve në këtë tragjedi.
“Janë shoqe të shoqes time dhe kanë humbur jetën në atë moment”, deklaroi Hilaj.
Pavarësisht kësaj tragjedie, Hilaj thotë se deri me tani askush nga shteti shqiptar, nuk është interesuar për fatin e saj.
“Unë jam në Korea me pasaportë italiane se kam lindur dhe jetuar në Itali, nuk kam pasur kontakte nga shteti shqiptar. Këtu nuk ka as ambasadë shqiptare”, sqaroi Hilaj.
Ndërkohë, presidenti i Koresë së Jugut, Yoon Suk-Yeol, njoftoi se do të ketë një periudhë zie kombëtare, duke urdhëruar që flamujt në ndërtesat qeveritare dhe zyrat publike të ulen në gjysmështizë deri më 5 nëntor.
Kronika e gazetarit Fidan Zejnullahu.
