29 vjeçari, Issaka Issifu zgjodhi fakultetin juridik në kuadër të Universitetit të Prishtinës për të studiuar drejtësi tranzicionale. Ganezi ka mbetur i befasuar nga mikpritja e kosovarëve, madje ka nisur të mësoj edhe gjuhën shqipe.
Nga Afrika perëndimore erdhi në Kosovë.
Issaka Issifu, 29 vjeç, vendosi që një semestër ta vazhdoj në Universitetin e Prishtinës, fakultetin juridik, në kuadër të studimeve për drejtësi tranzicionale.
Ganezi thotë se është i befasuar me mikpritjen e kosovarëve.
“Më është ofruar një mundësi shumë e mirë këtu për të studiuar drejtësi dhe për të drejtat e njeriut, prandaj kam vendosur të vij këtu. Është një vend shumë i mirë dhe kam bërë shumë shokë, me të vërtetë nuk e kam pritur të jetë kështu. Të gjithë po sillen mirë me mua dhe më kanë ndihmuar më gjëra të ndryshme”, tha studenti Issaka Issifu.
Issifu tregon se çka i pëlqen më së shumti në Kosovë.
“Më së shumti më pëlqen ushqimi tradicional këtu, keni ushqime shumë të mira edhe më të vërtet po i shijoj. Deri më tani kam provuar ushqime të ndryshme tradicionale”, u shpreh Issifu.
29 vjeçari thotë se kur të kthehet në Ganë pas përfundimit të studimeve synon të përfshihet në politikë për të kontribuar për shoqërinë ganeze.
“Politikën e shoh si mundësi të mirë për të kontribuar për shoqërinë time. Kam dëshirë të luftoj për të drejtat e njeriut dhe të marr vendime të mira për qytetarët. Si një i ri besoj jashtëzakonisht shumë ne vlerat e demokracisë. Andaj kam shumë dëshirë që në ardhmen të kem ndikim pozitiv në vendin tim”, deklaroi studenti Issifu.
Ganezi ka nisur të mësoj edhe disa fjalë në gjuhën shqipe.
