Disa qytetarë të Serbisë janë mbledhur në platonë pranë Fakultetit Filozofik të Beogradit, me ftesë të studentëve të universitetit që të kundërshtojnë pranimin e propozimit evropian për Kosovën.
Pas takimit në plato protestuesit do të marshojnë drejt Gjykatës Kushtetuese, shkruan danas, transmeton teve1.info.
Në mesin e protestuesve, raportohet se ka deputetë e profesorë universitarë.
Ata kërkojnë që në Ohër të refuzohet publikisht dhe tërësisht propozimi i BE-së, të braktisen negociatat nën ndërmjetësimin e BE-së dhe të fillojnë bisedimet nën ndërmjetësimin e OKB-së.
Një protestë e tillë u organizua edhe javën e kaluar nga Bordi i Iniciativës Studentore të Universitetit të Beogradit dhe grupi “Rinia Serbe për Kosovën”.
