Struga e nis me fitore sezonin e ri në Ligë ne Parë të Maqedonisë së Veriut. Kampionët në fuqi mposhtën Gostivarin në derbin e shqiptarëve me rezultatin 2-0.
Nga një gol në çdo pjesë i mjaftoi skuadrës së drejtuar nga Shpëtim Duro për të marrë tri pikët e para në kampionat.
E zhbllokoi takimin në minutën e 22-të Radeski, i gjendur në kohën dhe vendin e duhur në zhvillimet e një goditje standarde.
Llogaritë i mbylli Jarovic në minutën e parë shtesë, shumë pranë vijës fatale, në përmbyllje të një kundërsulmi të shpejtë.
E nis me fitore edhe Shkëndija e Tetovës, që mposhti me rezultat minimal në transfertë Voskën. Goli që u dha tri pikë kuqezinjve u shënua sapo nisi koha shtesë.