Portieri i Kombëtares së Shqipërisë, Thomas Strakosha do të largohet këtë verë nga Anglia për të vazhduar karrierën në Greqi.
Bëhet e ditur se Strakosha do t’i bashkohet skuadrës së AEK-ut që tashmë ka arritur marrëveshje me Brentfordin, e cila do të finalizohet ditëve në vijim.
Po ashtu, edhe Strakosha është pajtuar t’i bashkohet ekipit grek, i cili për kartonin e tij do të paguajë rreth 3 milionë euro për kartonin e tij.
Për Strakoshën ishte në garë edhe Fiorentina por AEK-u i ka premtuar vendin e titullarit në portë për ta bindur që t’i bashkohet.
29-vjeçari prej vitit 2022 ishte pjesë e Brentfordit kur iu bashkua si lojtar i lirë por nuk ka pasur shumë hapësirë te skuadra angleze me të cilën ka kontratë deri në vitin 2026.
Sezonin e fundit, Strakosha ka regjistruar vetëm 4 paraqitje për Brentfordin, ndërs karrierë ka bërë edhe tek Lazio e Salernitana.
Ai u paraqit në portë te Shqipëria në “Euro 2024”, turne në të cilin “kuqezinjtë” u eliminuan në fazën e grupeve.
