“Ukraina është më afër NATO-s se kurrë”. Kështu është shprehur shefi i NATO-s, Jens Stoltenberg nëpërmjet një postimi në Twitter, ku ka njoftuar se ka pasur një bisedë telefonike me presidentin ukrainas, Volodymr Zelensky.
Ai njofton se kanë folur për tërheqjen e Rusisë nga marrëveshja e grurit.
“Ne dënojmë fuqishëm përpjekjen e Moskës për të përdorur ushqimin si armë. NATO do të qëndrojë pranë Ukrainës për aq kohë sa të jetë e nevojshme.”, shtoi ai.
Kujtojmë që Rusia njoftoi pak ditë më parë pezullimin e marrëveshjes derisa të plotësohen kërkesat e Moskës.
Zëdhënësi i Kremlinit, Dmitry Peskov tha se Moska nuk do të ishte pjesë e marrëveshjes derisa të plotësoheshin kërkesat e saj për të eksportuar produktet bujqësore ruse në vendet e botës.“Kur të zbatohet ajo pjesë e marrëveshjes së Detit të Zi që lidhet me Rusinë, Rusia do t’i kthehet menjëherë zbatimit të saj”, tha Peskov.
Good call with President @ZelenskyyUa on #Russia’s withdrawal from the Black Sea grain deal. We strongly condemn Moscow’s attempt to weaponise food. Allies stand with #Ukraine for as long as it takes & following #NATOSummit, Ukraine is closer to #NATO than ever before.
— Jens Stoltenberg (@jensstoltenberg) July 22, 2023
