Federata e Futbollit e Kosovës ka njoftuar se stinori pranveror i Superligës së Kosovës në futboll nis më 10 shkurt.
Kampion i stinorit vjeshtor ishte Ballkani. “Stinori pranveror për edicionin garues 2023/24 do të nisë më 4 shkurt, me ndeshjet e 1/8 së finales së Kupës së Kosovës, derisa Albi Mall Superliga e rifillon garën më 10 shkurt. Ndërkaq, skuadrat e Ligës së Parë i rikthehen kampionatit në fundjavën e 17 e 18 shkurtit.
Afati kalimtar për të gjitha ligat përfundon më 31.01.2024, përfshirë ligat e femrave si dhe të gjitha grupmoshat e reja”, shkruan në njoftimin e FFK-së.
FFK-ja po ashtu ka njoftuar se të gjitha transferimet ndërkombëtare duhet të kryhen në sistemin TMS.