Pak ditë na ndajnë nga zgjedhjet nacionale në Serbi.
E pikërisht për këtë çështje, kryeministri i Kosovës, Albin Kurti, pranoi një telefonatë nga Këshilltari i Departamentit amerikan të Shtetit, Derek Chollet.
Chollet kërkoi që serbëve të Kosovës t’iu lejohet e drejta e votës.
“Pata një bisedë të mirë me kryeministrin e Kosovës Albin Kurti sot. E falënderova atë për mbështetjen e tij të fortë në çështjen e Ukrainës dhe theksova rëndësinë e sigurimit të votuesve me të drejtë vote në Kosovë që të mund të marrin pjesë në zgjedhjet e ardhshme kombëtare serbe të 3 prillit”, tha Chollet.
Ndërkaq, ish shefi i delegacionit të Serbisë në dialogun me Kosovën, opozitari Borko Stefavoniq, në një përgjigje dhënë për Tëvë1, ka kërkuar që serbët e Kosovës, të mos trajtohen si qytetarë të dorës se dytë nga Prishtina zyrtare.
“Unë besoj se serbët në Kosovë duhet të kenë çdo të drejtë të votojnë në zgjedhjet tona kombëtare. Qeveria e Kosovës, duke e mohuar atë të drejtë që është normë kudo në Evropën e qytetëruar, për fat të keq po konfirmon se serbët për ta janë qytetarë të klasës së dytë dhe se të drejtat e tyre njerëzore dhe civile nuk ekzistojnë për Prishtinën zyrtare”, tha Stefavoniq.
E një gjë të tillë po e kërkojnë edhe nga Veriu i Kosovës.
Aktivisti, Miodrag Miliceviq dhe kritikut të Listës Serbe nga Iniciativa për Serbinë, Aleksander Arsenijeviq, thonë se është drejtë demokratike që ata të votojnë për zgjedhjet nacionale në Serbi.
“Natyrisht që zgjedhjet ne Serbi duhet të lejohen të mbahen në Kosovë, nën ombrellën e Misionit të OSBE-së. OSBE ka dëshmuar edhe në të kaluarën se është e aftë që ta mbikëqyr këtë proces. Kjo duhet e jetë një drejtë për çdo qytetar që jeton në Kosovë”, Arsenijeviq.
“Ju e dini me çfarë presione është përballur komuniteti Serb në Kosovë gjatë 10 viteve të fundit. Ne edhe kur kemi votuar nuk jemi ndjerë të lirë. Është e drejtë demokratike për secilin nga ne që të votojmë për zgjedhjet nacionale në Serbi”, shtoi Arsenijeviq.
E Ivan Krstiq, thotë se jeta për minoritetet është e vështirë, sepse nuk trajtohen të barabartë me shumicën.
“Ne jemi minoritet në Kosovë dhe kemi shumë vështirësi. Të jesh minoritet në një vend të drejtat e tua edhe mund të shkelen. Është shumë normale, qe neve të na lejohet të votojmë. Kjo është demokracia”, tha Krstiq.
Ndwrkow, Kryeminstri i Kosovws, Albin Kurti, ka thwnw se bashkë me ndërkombëtarët janë duke kërkuar një zgjidhje që s’e cenon shtetin e Kosovës.
Raporti i gazetarit Shpat Blakçori.
