Anëtari i kryesisë së Partisë Demokratike të Kosovës, Blerand Stavileci, ka ftuar qytetarët që të shfrytëzojnë të drejtën e tyre për të votuar dhe të marrin pjesë në procesin zgjedhor.
Në një konferencë për media, Stavileci ka theksuar se sot është dita për të vendosur, jo për të pritur.
“Nëse ende nuk keni votuar, mos e lini votën në shtëpi! Mos e lini vendimin për të tjerët! Sot, secili nga ne e ka në dorë një përgjegjësi të madhe dhe ju që ende nuk keni votuar, dilni dhe votoni! Sot, secila votë ka rëndësi. Ju jeni ata që vendosni, për veten tuaj, për familjen tuaj dhe për të ardhmen e vendit tuaj. Nga një votë e secilit prej nesh ndërtohet një e ardhme për të gjithë”, ka kërkuar ai.
Stavileci ka nënvizuar se qytetarët po vendosin për të ardhmen e vendit dhe drejtimin që duan t’i japin shtetit, duke theksuar rëndësinë e çdo vote për të ndikuar në jetesën e qytetarëve dhe shpresën që duan të krijojnë për fëmijët e tyre.
Sai përket situatës zgjedhore, Stavileci ka thënë se deri tani, pak orë para mbylljes së qendrave të votimit, rezultatet janë pozitive, me mesazhe të qarta që po mbërrijnë nga terreni.
“Deri në këto momente, më pak se katër orë para mbylljes së qendrave të votimit, të dhënat që po marrim nga terreni janë pozitive. Po na vijnë mesazhe të qarta. Ka mbështetje të fuqishme për ndryshim, me bindje të plotë për zhvillim dhe për një jetesë më të mirë për secilin qytetar të Kosovës. Sipas të dhënave të deritanishme, kjo ditë po shkon drejt një rezultati shumë të rëndësishëm për Partinë Demokratike të Kosovës, drejt një niveli mbështetjeje dhe një numri in votash që për ne janë historike”, është shprehur ai.
Në fund, Stavileci ka falënderuar qytetarët për përgjegjësinë e treguar dhe ka theksuar se Kosova mund të bëjë më mirë, me stabilitet politik, më shumë vende pune, dhe mundësi më të mira për të rinjtë./teve1.info/
