Stavileci ka thënë se janë të vetëdijshëm për të kaluarën, aq sa thotë që janë krenar për të arritura janë edhe vetëkritik për problemet apo edhe disa gjëra që nuk janë realizuar.
Ai në emisionin “Këndi i Debatit” në Tëvë1, ka kritikuar Qeverinë për të cilën thotë se edhe ato që i ka zotuar nuk e ka rrugën se si ti bëjë.
“Ne jemi të vetëdijshëm për të kaluarën, aq sa jemi krenar për të arriturat jemi edhe vetëkritik për ato probleme me të cilat apo edhe disa gjëra të cilat nuk janë realizuar por në secilën fushë ka pasur strategji, ka pasur edhe projekte të realizuara, dhe sot qytetarëve nuk ia ke ofruar alternativën, a e dini çka thotë, thotë ky vit ishte i planifikimit as nuk e kanë hartuar strategjinë por që sa kohë dhe në anën tjetër përballen me rritje të çmimeve dhe nuk mund asgjë të bësh, madje ato qe i ke zotuar nuk e ke rrugën se si ti bësh”, tha Stavileci.
Stavileci thotë se Qeveria është totalisht pasiv pasi sipas tij, asnjë nga kjo qeveri nuk jep ndonjë sqarim, as për gazin as për temat e tjera.
“Aty ku ka hapësirë të mjaftueshme për të dyshuar, deputetët tanë dhe të gjithë të tjerët nuk kemi parë ndonjë lëvizje nga ana e Qeverisë, edhe tash e shohim se ata janë totalisht pasiv, nuk e shihni dikun që dikush jep ndonjë sqarim, edhe sqarimet për gazin dhe këto tjerat janë të munguar”
Dhe për këto, ai kritikon Kurtin duke thënë se, “krijohet një show i një njeriu që del në foltore e mundohet ta pushtojë secilën temë por gjithmonë duke bërë gabime duke e nxjerr vetën vetkundershtar në secilën fjali”. /teve1.info/
