Zëdhënësi i Bashkimit Evropian, Peter Stano ka thënë se kryesit e sulmit në Banjskë një vit më parë duhet të dalin para drejtësisë dhe se për të ndodhë kjo BE është e përkushtuar.
Stano në një postim në X në një vjetorin e sulmit terrorist në Banjskë ka thënë se duhet të vazhdojnë përpjekjet për ruajtje të sigurisë dhe normalizim të marrëdhënieve Kosovë – Serbi.
“Një vit pas sulmit në Banjskë. BE-ja përsërit thirrjen për ndjekje të shpejtë të përgjegjësve dhe rikonfirmon përkushtimin e saj për drejtësi dhe llogaridhënie. Është rikujtim i nevojës për përpjekje të vazhdueshme për të ruajtur sigurinë dhe avancimin e normalizimit të raporteve mes Kosovës dhe Serbisë”, ka shkruar Stano, duke shpërndarë reagimin e shefit të diplomacisë së BE-së, Josep Borrell, ku e kishte dënuar sulmin në Banjskë.
