Spotify zbuloi financat e tre mujorit të fundit të 2024 duke shënuar një vit të plotë me fitim që nga themelimi 17 vite më parë.
Të ardhurat operative ishin 455 milionë euro ndërsa përgjatë gjithë vitit ishin 1.4 miliardë euro.
Spotify gjithashtu raportoi shtimin e 35 milionë përdoruesve të rinj aktivë në muaj, një rekord për këtë periudhë duke tejkaluar projektimet e brendshme prej 25 milionë.
Kjo rritje sjell në 657 milionë numrin e përgjithshëm të përdoruesve, ose 12 përqind më shumë se një vit më parë.
Për më tepër kompania përjetoi rritje në numrin e abonentëve me pagesë. Spotify raportoi 263 milionë nga 240 milionë që ishte në tre mujorin e tretë.
Gjithashtu gjatë kësaj periudhe Spotify paralajmëroi mbërritjen e HiFi ose abonimit “super Premium” duke i hapur rrugë rritjes së mëtejshme të çmimeve. CEO Daniel Ek kishte thënë se plani do të kushton 17 deri në 18 dollarë në muaj, ose 5 dollarë më shumë sesa plani Premium./PCWorld Albanian
