Spitali i Përgjithshëm i Pejës ka njoftuar për gjendjen e pacientes e cila u lëndua si pasojë e goditjes me mjete të forta nga nxënësi i saj në një kopsht në Pejë.
Nga ky spital bëjnë të ditur se pas ekzaminimit mjekësor dhe ofrimit të shërbimeve të nevojshme shëndetësore, gjendja e pacientes është stabile dhe e njëjta është liruar për trajtim të mëtutjeshëm.
“Sot, në Spitalin e Përgjithshëm në Pejë është pranuar një paciente e lënduar si pasojë e goditjes me mjete të forta. Pas ekzaminimit mjekësor dhe ofrimit të shërbimeve të nevojshme shëndetësore, gjendja e pacientes është vlerësuar stabile dhe e njëjta është liruar për trajtim të mëtutjeshëm sipas rekomandimeve mjekësore”, ka njoftuar Spitali i Pejës.
Ndryshe, rastin për tëvë1.info e ka konfirmuar zëdhënësi i policisë për rajonin e Pejës, Fadil Gashi i cili tha se e lënduara është dërguar në emergjencën e Pejës.
“Sot në orën 10:40, Policia është njoftuar se në një kopsht, një nxënës me një shufër metalike e ka goditur edukatoren me mjet të fortë, duke i shkaktuar lëndime. E njëjta është dërguar në emergjencën në Pejë. Në vendin e ngjarjes kanë dalë Policia dhe Prokurori”, deklaroi Gashi./teve1.info/
Incident në një kopsht në Pejë, edukatorja sulmohet me shufër metalike nga nxënësi
