Më 17 tetor, në sheshin “Skënderbej” të Tiranës, zemrat shqiptare nga të gjitha trojet dhe diaspora do të rrahin njëzëri kundër padrejtësisë ndërkombëtare që po mban në paraburgim çlirimtarët e Kosovës: Hashim Thaçin, Kadri Veselin, Rexhep Selimin dhe Jakup Krasniqin.
Nën moton “Liria ka emër!”, kjo protestë mbarëkombëtare është një thirrje për drejtësi, për të vërtetën historike dhe për dinjitetin e popullit shqiptar.
Ministrja për Evropë dhe Punë të Jashtme e Shqipërisë, Elisa Spiropali ka theksuar se ky është një moment për reflektim kombëtar dhe bashkim në mbrojtje të vlerave të luftës çlirimtare, të sakrificës dhe të aleancës euroatlantike.
“Shqiptarët bashkë për Lirinë! Për Drejtësinë! Për Kosovën!” – është thirrja që do të jehonë nga sheshi “Skënderbej” më 17 tetor.
