Gjykata Speciale ka bastisur sot banesën e ish-komandantit të Brigadës 122, Vllaznim Kryeziu.
Lajmi është bërë i ditur nga familjarët e Kryeziut në një postim në Facebook, ku kanë thënë se atij i është konfiskuar telefoni.
“Sot me datë 17.11.2023, Gjykata Speciale e Hagës bastisi banesën e ish-Komandantit të Brigadës 122, Vllaznim Kryeziu, ku me ç’rast i’u konfiskua telefoni mobil”, thuhet në reagimin e tyre.
Zyra e Prokurorit tё Specializuar tё Kosovës me seli në Hagë, ende nuk është deklaruar për këtë rast.
