Përmes një postimi në Facebook, ministri i Mbrojtjes, Armend Mehaj bëri të ditur se ky trajnim është realizuar në kuadër të bashkëpunimit bilateral me Shtetet e Bashkuara të Amerikës.
“Në kuadër të bashkëpunimit bilateral me Shtetet e Bashkuara të Amerikës, përmes Agjencisë për Reduktimin e Kërcënimeve të Mbrojtjes (DTRA), specialistët tanë të Kompanisë së Materieve të Rrezikshme kanë realizuar trajnim në Institutin e Kërkimeve Ushtarake në Vyskov të Republikës së Çekisë”, thuhet në postim.
Tutje, Mehaj tregon se Live Agent Training ka për qëllim aftësimin e pjesëtarëve për operacione kundër agjentëve luftarakë kimik.
“Live Agent Training ka për qëllim aftësimin e pjesëtarëve për operacione kundër agjentëve luftarakë kimik, si dhe rritjen e konfidences së pjesëtarëve për veshjet mbrojtëse, pajisjeve, detektimin dhe dekontaminimin e agjentëve të ndryshëm luftarakë kimik si Sarin, Mustard, Leëisite dhe Vx. Vazhdojmë me avancimin profesional në të gjitha fushat!”, shkroi tutje ai./teve1.info/
