Sipas një sondazhi të publikuar të hënën, Rusia, SHBA dhe Izraeli shihen si kërcënimet më të mëdha për paqen globale nga spanjollët.
Gati gjysma e tyre thonë se një luftë e tretë botërore është e mundshme, dhe bësojnë se brenda pesë viteve të ardhshme, bota do të bëhet më e dhunshme, autoritare dhe e pabarabartë, sipas sondazhit të kryer nga firma e sondazheve 40db për gazetën El Pais dhe radiostacionin Cadena Ser.
Vetëm një në dhjetë prej tyre presin të ardhme më të begatë dhe më të qëndrueshme, raporton agjencia Anadoly.
Me rritjen e frikës, 58% e spanjollëve thanë se mbështesin krijimin e një ushtrie evropiane, ndërsa 55% pajtohen që Spanja duhet të shpenzojë më shumë për mbrojtjen.
Kurse, një krizë inflacioni mbetet shqetësimi kryesor midis spanjollëve, pak përpara konflikteve të dhunshme.
