Kryeministri spanjoll, Pedro Sanchez të enjten ka kritikuar Bashkimin Evropian për mospezullimin e marrëveshjes tregtare me Izraelin për shkak të sulmit të tij në Gaza.
“Nuk ka absolutisht asnjë kuptim që kemi kaluar 19 pako të sanksioneve ndaj Rusisë për agresionin ndaj Ukrainës dhe Evropës por, për shkak të standardeve të dyfishta, nuk kemi mundur të pezullojmmë Marrëveshjen e Asociimit me Izraelin ndëra ata janë duke shkelur në mënyrë flagrante Nenin 2 në lidhje me të drejtat e njeriut,” tha ai përpara takimit të Këshilit të BE-së në Bruksel.
Sanchez poashtu shtoi se do të shtyjë BE-në që “menjëherë” të pezullojë marrëveshjen me Izraelin gjatë takimit të së enjtes, raporton Anadoly.
Neni 2 i Marrëveshjes së Asociimit BE-Izrael përcakton se respektimi i të drejtave të njeriut dhe parimeve demokratike përbën një “element thelbësor” të marrëveshjes.
Spanja dhe Irlanda filluan të bënin presion që blloku të rishikonte marrëveshjen në shkurt të vitit 2024. Megjithatë, blloku pranoi ta rishikonte marrëveshjen vetëm pas një iniciative holandeze në maj.
Të hënën, ministrat e jashtëm u mblodhën për t’iu përgjigjur shqyrtimit, i cili gjeti “indikacione” se Izraeli shkeli detyrimet e tij për të drejtat e njeriut në Gaza.
Pas takimit, shefja e politikës së jashtme të bllokut, Kaja Kallas, përjashtoi pezullimin e marrëveshjes për momentin.
“Qëllimi ynë i parë është të ndryshojmë situatën në terren”, tha ajo. “Nëse situata nuk përmirësohet, atëherë mund të diskutojmë masa të mëtejshme dhe të kthehemi në korrik”.
Të enjten, Sanchez tha: “Është më se e qartë” se Izraeli ka shkelur detyrimet e tij për të drejtat e njeriut sipas marrëveshjes dhe se BE-ja nuk mund të presë më gjatë për të ndërmarrë veprime.
