Kryeministri spanjoll Pedro Sanchez akuzoi të hënën për përhapje dezinformatash gjatë krizës së migracionit në Ceuta, duke përmendur Rusinë, Izraelin dhe lëvizjet ndërkombëtare të ekstremit të djathtë.
Sanchez tha se në mediat sociale ishin përhapur mashtrime “të lidhura si me Rusinë ashtu edhe me Izraelin, si dhe me një lëvizje ndërkombëtare të ekstremit të djathtë që gjithmonë përdor migracionin, jo vetëm për të sulmuar Spanjën, por edhe Evropën”.
Ai theksoi se “Realiteti me të cilin po përballemi nuk do të thotë domosdoshmërisht se duhet të vijë nga një aktor shtetëror”, citon Anadolu.
Sanchez tha gjithashtu se një vendim i Gjykatës së Lartë ishte keqinterpretuar në rrjetet sociale, duke krijuar pretendimin se personat që hynin në Ceuta duke notuar nuk mund të deportoheshin, “gjë që është e pavërtetë, por kjo dezinformatë u përdor dhe u shpërnda në mediat sociale”.
Sipas qeverisë spanjolle, rreth 72,000 njerëz kaluan në mënyrë të parregullt nga Maroku në Ceuta më 30-31 korrik. Kriza nxiti kritika nga qeveritë evropiane, ndërsa 22 vende të BE-së e cilësuan politikën relativisht të hapur të Spanjës për migracionin si një “faktor tërheqës”.
