Gjermania është eliminuar nga Kampionati Evropian “Euro 2024”.
Nikoqirja e këtij turneu në çerekfinale u mposht nga Spanja pas vazhdimeve, të premten.
Koha e rregullt e takimit përfundoi 1:1, ndërsa pas dy vazhdimeve nga 15-të minuta, Spanja triumfoi me shifrat 2:1.
Spanjollët e zhbllokuan rezultatin më të filluar pjesa e dytë. Dani Olmo realizoi në minutën e 51-të pas asistimit të Lamine Yamalit, i cili regjistroi asistin e tretë në këtë Evropian.
Gjermania barazoi rezultatin në minutën e 89-të me anë të Florian Ëirtz, i cili siguroi vazhdimet dy herë nga 15-të minuta.
Megjithatë, Spanja e siguroi fitoren në vazhdimin e dytë apo në minutën e 119-të kur rezervisti Mikel Merino realizoi me kokë pas harkimit të Olmos.
Në minutat shtesë të vazhdimit të dytë, Dani Carvajal u përjashtua me karton të kuq pas dy të verdhëve dhe do të mungoj në gjysmëfinale.
Në gjysmëfinale, Spanja do të përballet me fituesin e çerekfinales tjetër ndërmjet Francës dhe Portugalisë që nis në orën 21:00.
