Kombëtarja e Spanjës ka shënuar fitoren e dytë në po aq ndeshje të luajtura në fazën e grupeve të “Euro 2024”.
Në duelin e së enjtes mbrëma, Spanja triumfoi 1:0 ndaj Italisë në kuadër të Grupit B. Para Italisë, Spanja e mposhti Kroacinë (3:0) në ndeshjen hapëse të grupit.
Me këtë fitore, Spanja ka siguruar kalimin në fazën nokaut pasi ka tubuar 6 pikë dhe në ndeshjen e fundit përballet me Shqipërinë, të hënën.
Golin e vetëm në duelin Spanjë – Itali, e shënoi mbrojtësi italian Riccardo Calafiori. Në fakt, Calafiori shënoi autogol në minutën e 55-të.
Spanja luajti shumë më mirë se Italia dhe dominoi plotësisht por nuk arriti të bëjë diçka më shumë në këtë përballje.
Ndërkohë, Italia në ndeshjen e fundit të grupit e luan me Kroacinë.
