Analisti politik Nexhmedin Spahiu ka kritikuar vendimin e Komisionit Qendror të Zgjedhjeve (KQZ) ndaj Listës Serbe, duke vlerësuar se ky vendim nuk i sjell asnjë përfitim Kosovës dhe dëmton imazhin e saj.
Në emisionin “Info Nata” në Tëvë1, Spahiu tha se vendime të tilla janë përsëritur edhe më herët dhe kanë përfunduar të rrëzuara nga institucionet e drejtësisë.
“Vendimi i KQZ-së është një lojë fëmijësh. Edhe herëve të tjera është vepruar kështu, por PZAP dhe Gjykata Supreme kanë vendosur në favor. Ky vendim nuk i është dashur aspak Kosovës dhe mendoj se është marrë për kushte të ulëta politike”, tha Spahiu.
Sipas tij, ky veprim krijon një perceptim negativ për Kosovën, pa ndonjë ndikim real në rezultatet zgjedhore.
“Besoj se do të ketë ankesa të tjera, por ato nuk do ta ndryshojnë shumë rezultatin. Megjithatë, është një hije e keqe që i jepet Kosovës pa asnjë interes real”, u shpreh ai.
