Spahiu i ftuar në emisionin “Ditari” në Tëvë1, ka deklaruar se Kosova duhet të jetë realiste dhe të mos insistojë për diçka që është e pamundur .
Ai tha se ka procedura të caktuara për një vend që të bëhet anëtarë i BE-së.
“Nuk pritet që tani të bëhemi anëtarë të BE-së me procedura të përshpejtuara. Kosova duhet të jetë realiste dhe të mos insistojë për diçka që është pamundur të ndodh. Ne kemi jo vetëm pengesën e pesë vendeve të BE-së, por edhe një pjesë të vendeve të ashtuquajtura skeptike të cilat nuk kanë qenë të mendimit as t’ia heqin vizat Kosovës. Prandaj ka proceduara të caktuara për një vend që të bëhet anëtarë i BE-së, të gjitha vendet kanë kaluar nëpër ato procedura dhe nuk ka ndonjë arsye të madhe që kjo të ndodh me Kosovën”, ka thënë Spahiu.
Sipas tij, që Kosova të bëhet anëtarë i BE-së nuk është realiste të pritet në këtë kohë.
Sa i përket situatës në Ukrainë, Spahiu tha se nuk ka ndonjë rrezik që të sulmohet Kosova.
“Nuk shoh ndonjë rrezik potencial që të sulmohet Kosova, mos të harrojmë se këtu është NATO. Ajo është përgjegjëse për sigurinë e Kosovës. Ne natyrisht duhet të veprojmë në përputhje me situatën dhe nuk duam të krijojmë asnjë lloj paniku”, ka thënë ai. /teve1.info/
