Profesori universitar, Nexhmedin Spahiu ka vlerësuar se kryetari i Lëvizjes Vetëvendosje njëherit kryeministër në detyrë, Albin Kurti do të t’ia jap opozitës postin e presidentit.
Sipas tij, kjo do të ndodhë pasi zgjedhjes së drejtorit të AKI-së dhe Kryeprokurorit të Shtetit.
“Ka mundësi për skenar pozitiv, tani besoj që Kurti do të jenë në gjendje t’ia jep opozitës postin e presidentit, pasi i ka kry dy gjëra që ati i kanë interesua, siç ka qenë shefi i AKI-së dhe Kryeprokurori i Shtetit. Për ambasadorët ai nuk është fort i mërzitur”, ka thënë Spahiu në emisionin “Këndi i Debatit” në Tëvë1.
Ai ka vlerësuar se nëse Lumir Abdixhiku nuk shkarkohet nga posti i kryetarit të LDK-së, gjasat për një marrëveshje janë të mëdha, në një skenar tjetër, Spahiu ka thënë se vendi shkon në zgjedhje.
“Gjasat mund të jenë 50 me 50. Kjo varet se kush e dominon LDK-në. Besoj që nëse mbetet Lumiri kushtet që mos të kemi zgjedhje të reja do të jenë më të mëdha, nëse rrëzohet Lumiri atëherë vendi shkon në zgjedhje”, ka thënë Spahiu.
