Trajneri i Anglisë, Gareth Southgate i ka dalë në mbrojtje sulmuesit dhe kapitenit, Harry Kane që ka marrë kritika të shumta nga tifozët anglez.
Kane ka shënuar vetëm dy gola në pesë ndeshje në “Euro 2024”, turne në të cilin Anglia ka avancuar në gjysmëfinale dhe në këtë fazë do të përballet me Holandën.
Tifozët anglez nuk janë të kënaqur me paraqitjen e sulmuesit Kane dhe kanë bërë thirrje që ai mos të jetë titullar të mërkurën mbrëma ndaj Holandës.
Megjithatë, Southgate ka bërë me dije se Kane do të jetë në përbërjen e parë dhe ka shtuar se është shumë i kënaqur me atë që kapiteni ka treguar deri më tani në Evropian.
Sipas trajnerit Southgate, Kane edhe pse është sulmues, ai po e ndihmon ekipin edhe në mbrojtje dhe është pjesë e rëndësishme e grupit.
Dueli ndërmjet Holandës dhe Gjermanisë, luhet të mërkurën mbrëma në qytetin e Dortmundit.