Kryetari i Prishtinës, Përparim Rama ka njoftuar se sot transporti urban në kryeqytet do të jetë falas, në ditën kur mbahet “Marshi për Liri”.
Rama ka bërë të ditur gjithashtu se falas do të jetë edhe parkimi te Pallati i Rinisë.
“Prishtina mirëpret të gjithë qytetarët në Marshin për Liri! Sot, transporti urban në kryeqytet është falas, ndërsa falas është edhe parkimi te Pallati i Rinisë”, ka shkruar Rama.
“Marshi për Liri” nis në orën 14:00 nga sheshi “Skënderbeu” katër ditë para vendimit të Gjykatës Speciale për ish-krerët e UÇK-së./teve1.info/
